شي بيرفع الضغظ؟؟؟؟؟؟؟؟؟؟؟!!

لك أهلين وسهلين , بالقراء الحلوين ....
البديهي أحيانا تتحمله اذا كانت أعصابك باردة ...
بس اذا كان دمك حامي بدك تعصب ويرتفع ضغطك ,,


تعوا انا وانتم لنشوف شوية أمثلة لـ هيك شي
مثــلا :
* أنت بغرفتك متلقح عالسرير وطافي الضو ومتلحف بالبطانيه ( حلو البرد)
قام اجا واحد من أخوانك وفتح الباب عليك وقلك شو بدك تنام بردان
(( شو شايفني عم برقص اكيد بدي نام ))
* أنتم معزومين عند ناس ورحتو لبيتهم دقيتوا الباب قام فتح ابنهم : وقال " شو اجيتوا " !!!!!
(( لا رحنـــا ,, أكيد اجينا انت شو شايف ))
* والعكس : أنت لابس تيابك ومشخص ومتعطر وماشي بالبيت رايح لباب الشارع ,, بيجي واحد من أهلك وبعيط بصوت عالي : شو طالع من البيت !!!!
(( لافايت ,, أيه طالع ))
* أو مثلا انت راكب السياره وشغلتها بدك تدوس عا البنزين طلعلك واحد ودق على البلور ,, أنت بكل ذوق فتحت البلور وقلت له : امرني حبيبي
اجا قلك : شو شايفك رايح !!!
(( لا بدي فحط واعمل سلاسل وخمسات .... أكيد أنا رايح ))


* مثلا ماسك سماعه التلفون وقاعد عم تتصل اجا واحد من أهلك وقالك : شو بدك تحكي بالتلفون !!!!
(( لا بدي اتصور معه,, أكيد بدي احكي ))
*: ماسك مذكرة أو كتاب وقاعد تحفظ ومتحمس عا الاخر .. اجا واحد وقالك : شو شايفك عم تدرس!!!
(( لا عم عد الاحرف بالكتاب ,,, أيه عم ادرس ))
* عم تسبح بالمسبح اجا واحد من رفقاتك مر عليك وقالك : فلان شو عم تسبح !!!
(( لا عم اتحمم ... أيه قاعد عم أسبح ))
ولا تعالــو شوفو قنواتنا واسئلتهم البديهيه البايخه المريئة..,,
# برنامج اهداءات واحد اتصل وطلب غناي ؟
ردت عليه المذيعه بكل سخافه : انت بتحب هاي الغنيّة !!!
(( لا ما بحبها بس طالبها عم اتخوت ,, ايه بحبها ليش انا متصل ))
* أو مثلا بالعيد اجت قناة وعملت حوارات مع الناس شوفوا :
المذيع : مرحبا عرفنا على اسمك ؟
المواطن : فلان الفلاني .
المذيع : شو بدك تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد بدو يقولهم هالعباره لكن شو بدو يقول بهالمناسبه انشا الله بتموتوا))
والأسخف من هيك اذا شافو شي ولد,,,
بيقوله المذيع للولد : أنت تحب ماما وبابا !!!
(( أيه بيحبهم لكن بيحبك الك ))
المذيع :شو عم تعمل بالعيد أكيد بتروح لعند اهلك بتسلم عليهم وتقولهم كل عام وانتم بخير !!!!
(( لا بدي رووح اضربهم وزاتقاتل معهم ,,, أكيد بدي روح عايدهم))