أنــــــــــت / مـــؤيــــد / أم / معـــــارض /

السلام عليكم و رحمة الله و بركاته ...



الوطني_sy


كنت بفضل أشوف مشاركة أكثر تعباً من مشاركتك ، بظن لو كاتب عبارات بسيطة كانت وصلت رأيــــــــــك بصورة أدق ، مع إني أنا واثقة من إني التعابيــــــــــــــر إلي مختارها وصلت جزء من رأيك ؟






بشكرك على المشاركــة و تعبناك معنا .

السلام عليكم و رحمة الله و بركاته ...


بلقيس

كتير مهم كلامك إلي قلتيه و بيدل على إني الكذب رح يكون هو السبب لنهاية زواج و فشله إذا كان قائم بين المتزوجين .
نقطة هامة تانية ضفتيها : إني مهما كان الإنسان بارع بالتمثيل إلا ما ينكشف على حقيقته و يبان كذبه ...

و لكن هل أنتِ توافقيني أنا هناك أشخاااص بارعين و جداً في التمثيل و بيصلوا للشي إلي بدهم ياه و بيمضي عليه الوقت و ما ببين .
إضافة تانية برأيك : الخطيب أو الخطيبة ما بيضطروا للكذب و التمثيل أثناء الخطوبة للوصل لغايات تتحقق لديهم ؟







رح أنتظر عودتك لأني رأيك كتير بيهمني ...

بنت الورد شكرا لطرحك هذا الموضوع.
أما أنا طبعا ضد التمثيل وكل ما هنال طبيعي يكون قريب للجمال والكمال والانسجام ليكون هنالك حياة بين الطرفين طبيعية بعيدة عن التصنع ومساحيق التجميل التي ستمحى يوما ما وتبدأ الصراعات الزوجية.
مع كامل حبي للجميع............

بنت الورد

بالنسبه للسوال الاول
*هل أنتِ توافقيني أنا هناك أشخاااص بارعين و جداً في التمثيل و بيصلوا للشي إلي بدهم ياه و بيمضي عليه الوقت و ما ببين ؟

اوافقك بان هناك اشخاص بارعين جدا نعم ولكن لحد ما يعني متل ما قلت مهما كانو بارعين رح ينكشف الكزب لانو متل ما بتعرفي الزواج عمر مو يوم ولا شهر ولا سنه
يعني معقول يضل عايش كل عمرو على الكزب والتمثيل انا ما بتوقع هالشي في مواقف كتيره ممكن انو ينكشف فيها ...

بالنسبه للسوال التاني
*برأيك : الخطيب أو الخطيبة ما بيضطروا للكذب و التمثيل أثناء الخطوبة للوصل لغايات تتحقق لديهم ؟
احيانا نعم بيكزبو بشغلات يمكن هني بيشوفوها بسيطه بس ما بيعرفو انو هي الاشيا البسيطه بنظرهم ممكن تخرب زواج كامل
يمكن من خلال الكزب بيحاولو يبينو للطرف الاخر صوره افضل عنهم
بس الزواج برأي كشف للحقيقه

تحياتي الك

جنيرال ..
ما بعرف شو بدي قلك ..بس شكرا عالتعليق المميز ..يلي ما كان لازم تكتبو واذا في من وراه قصد يا ريت
اعرف شو قصدك .. تحياتي الك كمان

الوطني_sy

بشكـرك للمرة الثانيــة و نورت الصفـحة .



و تعبنــــــــــاك معنـــــــا ؟؟؟

محمود سبسبي



بشكرك كتير على كلامك و كان مثالك كتير مناسب للموضوع // بعيدة عن التصنع ومساحيق التجميل التي ستمحى يوما ما وتبدأ الصراعات الزوجية.//
فالكذب عبارة عن شي تجميلي يتستر به الناس لإزالة بعض العيوب و مع إزالة المسحوق التجميل سيظهر الإنسان على طبيعته مهما حاول إخفائها ...

بلقيس


نورتي الصفحة للمرة الثانية .

ما أضفتيه أنا معك فيو و دائماً منحاول نتبع ها الشي ...


// يعني معقول يضل عايش كل عمرو على الكزب والتمثيل انا ما بتوقع هالشي في مواقف كتيره ممكن انو ينكشف فيها ...//
// بس الزواج برأي كشف للحقيقه //


مهمـا اتبع الإنسان طريق الكذب رح ينكشـف بالأخير ...



بلقيســــــو ميرسي لإجاباتك و تحيتي إلك .

Abn-Alwrd


عزيــــــــزي .. مافي شي إسمو كذب أبيــض
الكذب كــــــذب و بس / متل إلي بيسرق بيضة و إلي بيسرق جمـل /

بعدين تاعا لشوف لشو نطلع خارج حدود الموضوع و نحكي عن ./// لابد من الكذب سوا على اهلينا أو على رفقاتنا أو حبيبنا أو زوجنا أوأوأو........... ///
موضوعي عن الكذب أو أدق موضوعي عن التمثيــل أثناء الخطوبــة ، فاللــــه يرضى عليك خلينا بموضوعنا و بلا نروح لبرا و نبرد .




* ما قصدتــه من الموضوع إني منلاحـــــظ كتير شباب و بنات لما بينخطبــوا بيظهروا غير طبيعتهم و عكسها لبينوا للطرف الثاني إنهم جيدين و مافي منهم و هل الشي رح ينكشف مع الأيام و خاصة بعد الزواج وبفترة بسيطة جداً و هون منلاقي بديت المشاكل و اللــــه لا يروينا يمكن يصير اكتر من هيك ...




* و إذا بدك نصيحتي إيــــــــــــاك و الكـــــــــذب على خطيبتك كون على ثقـــــــة رح تكشف هل الشي إذا مو هلق بعديـــــــن ...

malaak

يا أهلا و سهـلا فيكِ ، إي كيفك كيف صحتك إنشالله تمااام ...


بشكرك على كلامك ..

نقطة للاستفسار :
بردك ذكرتي إني

اقتباس :

// ولكن لا اعارض اذا كان يغير من شخصيته نحو الافضل بان يتخلص بعض من يعوبه فهذا جيد //

برأيك : هل التغيير رح يستمر ولا بس بفترة محددة خلال الخطوبة ؟
و برأيك : قبل التغيير لازم يعرف الطرف التاني الطبيعة الأصلية و بعد هل الشي بيتم التغيير للأفضل ؟ و لا فوراً التغيير بدون إخبار الطرف الآخر بالشي الخطأ و المغير في الطبيعة ؟



من ناحية تانية :

اقتباس :

الحمدلله ما حد يقدر يكذب علي او يمثل علي لاني بعرفه علي طول

عن جد إنتِ بتقدري تكشفي الشخص إلي عم يكذب ؟ ممكن تعلميني ؟؟؟



رح أنتظر عودتك ...

LASCAR

يا أهلا و سهلا فيك ، و ألف شكر إلك / بس أنا ما قدمت غير هل الموضوع ، و ليس مواضيع / .

اقتباس :

برأيي في كذب من النوع الملون

يعني إنتو شو قصتكم Abn-Alwrd بيقلي كذب أبيض و إنت ملون ؟؟
ياعمي أنا على كلامي و رح ابقى الكذب كــــذب مهمــا كان !!

اقتباس :

لا أروع من إظهار الشخصية الحقيقية وما أنت عليه للطرف الآخر الذي سيشاركك حياتك
في بعض الحالات قد يؤدي الكذب إلى عدم الإحترام وعدم الثقة بين الطرفين وهو ما مآله الفشل في العلاقة بطريقة أو بأخرى

ما ضفته بكلامك أيده جداً و أنا على ثقة أن الكذب مخاطره المستقبلية سيئة بدرجة كبيرة ..



أما بالنسبة للأسئلــة :

اقتباس :

- إذا لم يقل لكٍ خطيبك أو زوجك أمراً معيناً وعمل على إخفائه هل ستسمين هذا تضليلاً ؟

طبعاً رح سميه أكتر من هيك ، يعني لو ما كان في شي بيخاف منو خطيبي أو زوجي و عارف حالو فيه شي خطأ بتصرفاته و خاصةً بالنسبة لحياتنا و رح يهددها ليش ليضلل كلامه و يكذب بالعكس يذكر كل شي و بشكل طبيعي و هل الطريقة دليل على الثقة و التفاهم بين الطرفين / يعني لازم كلا الطرفين يكون كتاب مفتوح ليقدروا يتعاملوا مع بعض /.

اقتباس :

- إذا استخدم معك خطيبك أو زوجك لعبة الكلمات لصرف نظرك عن موضوع الجدل فيه قد يسبب مشكلة هل ستقولين عنه أنه كاذب ؟

فيك توضحلي أكتر شو القصد من / لعبة الكلمات / .

اقتباس :

- وأخيراً اذا تغزل زوجك أو خطيبك فيكٍ بعد مشكلة بينكم فهل تسمينه مرآئي مخادع ؟

/ ههههههههه إي هو دائماً لما بيتغزل فيني زوجي أو خطيبي مخادع لأنو بيكون أكيد بدو شي من ورى هل الشي لمصلحته طبعاً /
و الله لما بيكون متقصد الخداع و حدس الأنثى كتير بيميز هل الأمور رح قول بوجهو إني كذاب و مخادع ، حتى إسأل لتتأكد إني عاملتها كتير .

و من ناحية تانية ما بقدر أظلم خطيبي و زوجي يمكن بعد المشكلة حس بالفعل إني بستحق كلامه و الغزل فيه و راد بهل الطريقة يعوض إحساسه بتأنيب الضمير بعد إزعاجي بمشاكلو إلي ما بتنتهي هههههههههههههه .






بالفعل كنت كتير مستمتعة بالرد على مشاركتك ، عيدهـــــــا أمانة و طلطل علينــا ...