Abn-Alwrd
عضو ممتاز
عدد الرسائل : 159
العمر : 45
المكان : Sudia
المهنة : accontant
تاريخ التسجيل : 29/12/2007
 |  موضوع: رحيل ابليس  17/3/2008, 9:01 pm | |
|
.ExternalClass .EC_hmmessage P
{padding:0px;}
.ExternalClass EC_body.hmmessage
{font-size:10pt;font-family:Tahoma;}
كان في غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر.
كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل.
إبليس راحلٌ عن بلادنا إلى غير رجعة... فليفرح المؤمنون...
- وين يامسهّل؟ ليش عم بتضبّ اغراضك؟
- يازلمة ماظلّلي قعدة عندكو, إلي سنين عاطل عن العمل وقرّبت أموت من الجوع.. بلاقيش معك سيجارة ياخوك؟
مش قاطع فيكو لا وسواس ولا خنّاس! كنت زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا اولادهم في الحاوية أوّل مايجوا!
كنت أوسوس للواحد ينسى يسمّي الله قبل مايوكل, هسّة بطّل حدا لاقي إشي يوكله! يازلمة إذا أنا إبليس تسمّمت بالشاورما!
كنت برضو بوسوس للشب يرميله كلمة ع البنت وهي ماشية بالشارع, صاروا البنات يطقّسوا ع الشباب بكلام أنا نفسي بستحي أحكيه!
واحد بسرق 6 مليون دينار عينك عينك بحبسوه 3 سنين في فيلاّ ع شطّ العقبة, وتنين بنبشوا في مكبّ الزبالة بتطخّهم الشرطة, إنتو بدّكو إبليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي منكم!
يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو سمالله بتعملوا كل هالبلاوي, أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف يعيّنوني واعظ أو إمام جامع!
ثمّ فتح الباب وانطلق خارجاً إلى غير رجعة.. | |
|
محمود سبسبي
مشرف جناح
عدد الرسائل : 230
العمر : 38
الهوايات : السيف والدرع
تاريخ التسجيل : 07/11/2007
| | موضوع: رد: رحيل ابليس 18/3/2008, 1:08 am | |
| بالله العظيم لا تخليه يروح والله اتقطع قلبي عليه.
قله بلكي عشرين سنة بنصلحوا وبرجع شغله..........
الله يعين الفقير قطع الأعناق ولا قطع الأرزاق.............. | |
|
syrian_rose
عضو ممتاز
عدد الرسائل : 104
تاريخ التسجيل : 02/12/2007
| | موضوع: رد: رحيل ابليس 18/3/2008, 5:12 pm | |
| ان شاء الله يروح عند جورج بوش يزيد لهم الفساد شوي
و بعدين محمود شو لاتخليه يروح؟ روحة بلا رجعة نحن صار عنا اكتفاء ذاتي لاتخاف علينا و هو بيدبر حاله كمان لاتخاف عليه
شكرا ابن الورد على طرحك و تصويرك للواقع المؤلم الذي نعيش
تحياتي للجميع | |
|
General
مشرف جناح
عدد الرسائل : 253
العمر : 43
المكان : روسيا
المهنة : engineer
تاريخ التسجيل : 29/10/2007
| | موضوع: رد: رحيل ابليس 19/3/2008, 12:28 am | |
| خيلة و الله يتا ابن الورد جايب الفكرة تمام مشكور فيك تعملون حلقات مسلسل  ))))) | |
|
Bnt-Alwrd
مشرف جناح
عدد الرسائل : 84
المكان : بيـــن شـــذى الـــورود
تاريخ التسجيل : 07/01/2008
| | موضوع: رد: رحيل ابليس 20/3/2008, 6:56 pm | |
| Abn-Alwrd
برأيك عنــا فائــض ؟!
ما بظـن لك لو خليت خربــت شبك ...
تفائلوا بالخيـر ياجماعـــــــــة تجـــــــدوه . | |
|
