اسم وغزل........ شباب وصبايا

سندرج لكم هذا الموضوع الجديد، وسيتم تناول الاسماء فيه باسلوب زجلي.
ملاحظة: الاسماء المستعارة ممنوعة، والاسماء التي لاتعبر عن معنى أيضاً.


غزل لاسم (نزار)

لوما الخجل كان الحلو بيلبس خمار
وبتستعير الشمس من وجهو النهار
سألتو الاسم: قلي أنا شاعر غزل
مغروم بالنسوان وملقب "نزار:

...................................

غزل لاسم (مها)

يا قلب شوفي بينك وبين السهى
أنت بدني وهيي بسماها مولّها
قلي أنا ع "النبض" بعرف حالتي
وان زاد بعرف صارت بقربي "مها"
.....................
مع تحيات نون

غزل لاسم (روز) على شان خاطر سيريان روز، تكرم عيونك يا روز

عطارنا بالحي مره قلتلو
بدي عطر ما يكون في متلو حلو
قلي ياجاري هي اصنص من العطر
وياريت تمزج "روز" حتى تعدلو
...............

بالانكليزي "روز" وردة معطره
لطف وادب واخلاق حلوة مقدره
الروضة الما فيها ورد الله يرحما
وكل قلب دخلت فيه روضة معمره
................

مع تحيات نون

غزل لاسم (حبور):

با (الحاء) رح ابدا مع الحلوي الهوى
و (بالباء) بيصيروا لكل عاشق دوا
لو غاب حرفك يوم بتضلا معك
حبر المعاني (حبور) أي من الغوا
.............


غزل لاسم (حلا):

كانت "حلا" بالجامعة آية جمال
بتشوفها بتتلخبط بمية سؤال
لو تسألا من وين جابت حسنها
بتقول مو خالي البدر، وعمي الغزال؟؟!!

........................

مع تحيات نون

((مرام))
ضحك البدر وانزاح عن وشو الغمام
لما بسماها طلت الحلوة "مرام"
نجوم المسا من غيرتن خافوا الهوى
وخافوا ع حالن من لحاظا والسهام

((هدى))
كانت بعمر الورد تمشي ع الهدا
الحلوة الأميرة ذوق أندى من الندى
دورت القي ها القلب بموطن حلو
قالوا يا عمي ما إلك إلا "هدى"